شلونكم بنات؟؟
اكيد اول ماشفتوا العنوان بتستغربون
بس انا الحمدلله تردون على كل مواضيعي
بس المشكله ان اغلب العضوات الجدد يعانون من مشكله (ليش ماتردون على مواضيعي)
وانا طبعا حاولت اجمع لكم بعض الاسباب الي ماتخلي الاعضاء يردون على مواضيعكم
اولا: الموضوع طويل وممل
طبعا اكيد لما يكون موضوعك طويل وممل مافي احد يحاول حتى ان يقرأه
فحاولي انك تختصري الموضوع حتى لو كنتي ناقلتيه من منتدى اخر ممكن انك تعدلي فيه
وممكن كمان انك تحطي بعض الضحك والفرفشه ع الموضوع علشان يكون ملفت اكثر
ثانيا: الخط
في احيانا يكون الخط مو واضح ابدا وصغير مررره وكذا اكيد طبعا مافي احد بيحاول ان يتعب عيونه ويقرأه
فحاولي ان الخط يكون واضح وكبير
طبعا لازم كمان تهتمي باللون علشان هو كمان لعب دور في الموضوع
تجنبي الالوان الفاتحه والي مو واضحه
اختاري الوان تكون غامقه وواضحه
ثالثا: العنوان
طبعا العنوان يلعب دور كبير في الموضوع ولما يكون العنوان ملفت اكتر الكل يدخل له
وطبعا حاولي تحطي عنوان مناسب للموضوع ويكون ملفت للانتباه
واخيرا:منقول .....منقول.....منقول
وهذه هي المشكله الاكبر ان الموضوع يكون منقول
طبعا اغلب مواضيعنا منقوله بس تكون بعضها مانتشرت بكثره
بس المواضيع الي تكون تقريبا وصلت لكل المنتديات اكيد مافي اي احد يرد ع الموضوع
وانا مااقول انك ماتنقلي اي مواضيع بس حاولي قدر الامكان تغيري في الموضوع الي تنقليه
اتمنى يعجبكم الموضوع
مع تحياتي
الجمعة سبتمبر 24, 2010 9:47 am من طرف 
المزاج
